孖山聰賀壽送褸暖賭王

今年91歲生日的賭王何鴻燊，上月25日正日生日與四太梁安琪一家在中環食西餐慶祝，昨晚輪到三太陳婉珍一家為賭王補祝生日，在富豪飯堂福臨門設宴12圍大宴親朋。

昨晚約七時半，何超雲與男友陳山聰及妹妹超蓮乘坐七人車到達，賭王則由三太陪同乘坐其座駕尾隨。超雲與山聰穿黑色情侶裝襯到絕，問到送甚麼禮物給爹哋？超雲說：「我同細佬、阿妹送咗件褸畀爹哋，佢今日着住咗，想送啲實用啲嘅。（媽咪送乜？）送雞，爹哋屬雞。」

坐輪椅的賭王精神奕奕，戴上冷帽、頸巾及子女送的愛心大褸，做足保暖工夫。問到生日願望，賭王笑而不答。眾人應記者要求影大合照，山聰起初率先步入大堂，其後在記者再三要求下才一齊合照。出席壽宴的包括楊受成、楊超成、蕭芳芳和老公等。芳芳姐被問到送甚麼禮物給何生？她以手勢示意聽不到，其老公代答：「送盆景，松柏代表長青。」芳芳姐說：「我祝佢健康開心。」開席後，三太吩咐侍應向記者派壽包。賭王約9時15分離開，超雲透露父親吃了不少叉燒，山聰則送麻雀枱給賭王作為生日禮物。