梁麗翹幫大細面坤哥止痛
上屆國際親善小姐梁麗翹（Nicole）自參選港姐後，隨即獲派主持《東張西望》及兒童節目等工作。樣子甜美的她，平日最愛用手機自拍開工及生活照，並上載微博與粉絲分享。
跟「巨聲幫」成員吳業坤（坤哥）老友鬼鬼的Nicole，常孖住對方整古做怪自拍搞鬼相，即使早前不慎被捲髮器燙傷手，她仍與剛拔智慧齒、面腫腫的坤哥拍照留念，認真「同病相憐」！Nicole說：「嗰日約咗啱啱剝完牙嘅坤哥食飯，佢塊面一大一細好搞笑，之後諗點樣最快止痛，結果去咗食雪糕。」
而難得於七月放假的Nicole，跟家人到泰國享受陽光與美食，她說：「好開心，好耐冇同屋企人去旅行喇！呢趟旅程唔使化妝，可以做番最真嘅自己！」