劉浩龍：祖兒心情OK

劉浩龍（師兄）到電台受訪時，提到何韻詩出櫃後，令「密友」容祖兒被網友懷疑是雙性戀者，而阿詩只以「好難答」回應，有指祖兒因此崩潰狂喊，師兄昨日大方透露女友祖兒心情OK，並叫大家放心！

劉浩龍與Eric Kowk昨日到電台宣傳甜蜜新歌，問到女友容祖兒有否支持？他即冧笑表示很多人支持。承認同志身份的何韻詩日前到電台受訪時，以「好難答」回應祖兒是否雙性戀者的問題，提到祖兒心情因此陷入低谷時，師兄說：「每個人都有公平權利愛其他人，只要夠真心，任何人都值得愛，加埋勇氣一定可以得到幸福，而祖兒個心情係OK嘅！（冇傳聞咁崩潰？）OK嘅，放心！」

提到有指祖兒要與阿詩割席？師兄表示別人的事交由別人回應，但自己不會嬲阿詩：「唔會有呢件事發生喺我身上。」有傳他與阿詩曾拍拖？他避忌地說：「呢啲真係唔好再講，我唔識講嘢，呢件事只會愈講愈錯。」問到與祖兒蜜遊日、韓是否玩得開心時，師兄雖表現風騷但表示私人事想低調。

憑歌寄意Sweet爆

師兄又踢爆Eric聽他錄新歌時，因受不了他唱得太甜蜜而爆粗：「佢話如果我唔係佢朋友，佢會打X我！」此外，下周五與老婆葉佩雯舉行婚宴的Eric透露，陳奕迅及梁漢文等好友任兄弟團，但好友謝霆鋒因工作未能出席。問到會否邀請張栢芝？他說：「唔知，要問老婆。」