周家蔚做鄭嘉雯姊妹

周家蔚（Janet）昨日與前港姐鄭嘉雯出席美容纖體「RED X SYNERON 」七周年慶祝活動，身懷「蛇仔」的Janet透露，與湯盈盈所懷的B女原來相差個半月，問到會否對親家，她笑說：「我同盈盈都對住個肚講男、女朋友，好得意。我會早盈盈個半月生，到時天明會請兩個星期假陪住我。」自言提早離開盈盈婚宴的她，大爆老公洪天明愛與老友親熱，故一早下「隔離令」，她說：「天明個個都攬，就算有面油都照摸，所以叫咗佢返嚟一係瞓客房或沖涼，但最後佢一返嚟就錫我先瞓。」

另外，當年和Janet一起參選港姐的鄭嘉雯宣布下月結婚，並透露婚宴當晚邀請曾志偉、譚詠麟及郭富城等紅星出席，將做姊妹的Janet說：「唔會太辛苦，我主要負責食嘢同精神上支持。」

鄭嘉雯（右）輕撫周家蔚肚子，沾染喜氣。