城城滿場飛做「吹神」
郭富城前晚由新加坡趕返港出席錢嘉樂婚宴，並獨自駕駛價值600萬元的林寶堅尼跑車到場，未有和女友熊黛林同行，但無損其風騷心情，在婚宴中滿場飛兼做「吹神」，和梁家輝及曾志偉等一眾賓客雞啄唔斷。難得城城光臨，即成為現場不少女賓客的「甜心」，紛紛和城城合照，而他亦來者不拒。
前晚凌晨十二時許自行駕車離開的城城表示只是飲了少許酒，不會超標，問到此行是否為自己「取經」，他說：「呢啲嘢唔答！（送咩畀新人？）係人情。（上台唱歌？）學友都唱晒啦！今晚婚宴好感動，我同嘉樂合作過兩部電影，睇住佢長大，佢人緣好好。（恨好似嘉樂有BB？）你哋問新人，唔好問我。（你有BB大家開心啲喎！）多謝多謝！」
城城獨自來飲喜酒，並與一對新人錢嘉樂及湯盈盈合照。
風騷的城城前晚自行駕車離開。