林熹瞳隨蝴蝶追夢

「怪談女」林熹瞳（Rachel）與時下少女一樣愛扮靚，故家裏添置了大量飾物，有些更是DIY（自家製）的，她說：「屋企乜飾物都有，頸鏈、手鏈同襟花等等，其實入行後成日要着唔同嘅衫，所以買埋好多，最常戴嘅係R字母嘅鑽石鏈墜。」除了買現成飾物外，Rachel自言亦會買材料DIY：「有好多首飾係喺世界各地搜集得來，又特別鍾情蝴蝶同十字架飾物，因為覺得蝴蝶有追隨夢想嘅感覺，十字架就因為我係基督徒。有時有啲主題性嘅衫就要自製飾物去襯番，試過整咗條珍珠鏈當皮帶，又會自製襟花去襯衫。」至於有否得意之作，她笑言暫時未有，純粹覺得製作過程很開心。

林熹瞳愛戴蝴蝶與十字架的頸鏈。

林熹瞳家中收藏了大量飾物。