張暖雅幻想同靚仔過「性」誕
性感女星張暖雅、李蘊及李曼筠（Maggie）等前晚出席聖誕亮燈儀式，提到聖誕節較易失身，谷胸上陣的張暖雅可會小心保護自己？她說：「如果係好好嘅經歷我OK！即時完咗覺得開心，其實我唔介意，最好對方靚仔同對我好。」嚇得身旁的李蘊驚訝掩嘴！張暖雅又指來港半年但未有拍拖，現感孤單故想覓另一半。不過，有讀者爆料指張暖雅與導演胡耀輝拍拖，而胡耀輝的發言人指兩人相識已久，不排除有發展機會，但張暖雅澄清冇拍拖：「我鍾意同有才華嘅人做朋友。（佢話有機會？）唔知，我問吓佢啦！」
另外，李蘊表示想於工作中過聖誕，提到未能與男友度過？她說：「唔緊要，佢係圈外人，唔想影響佢。我未試過同圈外人發展，依家幾有安全感。（好過之前嘅男友劉謙？）我唔作比較。」
張暖雅（左）晒幾吋「事業線」，身旁的李蘊冇眼睇！
李曼筠同樣性感撐場，但「峰」勢慘被比下去。