歌手G.E.M.（鄧紫棋）與單車選手李慧詩昨日到觀塘apm出席活動，G.E.M.即場獲對方送贈一部單車，而她則送上出道以來的四張大碟回禮，分享出道經歷時更講到眼濕濕！不過，G.E.M.自爆不懂踩單車，更有童年陰影，但會積極學習。提到微博有一段愛的宣言，問到是否向緋聞男友林宥嘉網上傳情？G.E.M.即急急否認：「純粹有感而發，好多Fans成日都喺微博同我講失戀，我覺得真正愛你嘅人會睇到你有咩優點，而唔需要你做啲咩去改變自己。」
G.E.M.（左）與李慧詩交換禮物，但暫時得物無所用！
