吳綺莉懶理車震Happy湊女

吳綺莉日前捲入車震傳聞，但面對流言仍無損心情，昨日還面帶笑容與女兒往騎馬及學結他。無辜被拖落水的鄧梓峰則揚言會於法律上討清白，卻慨嘆難找出真兇。

近日因網上瘋傳的車震事件而被追訪的吳綺莉，心情未受影響，昨午二時如常與女兒外出。兩人先購買幾份報紙，吳綺莉及後帶女兒到上水，由李家鼎教授騎馬。母女見記者在場亦笑笑口，落堂後再帶女兒學結他，直至晚上六時許才回家。

對於捲入車震傳聞，吳綺莉指女兒也當笑話一則：「個女都覺得係笑話，問我係咪夢遊！其實我同鄧梓峰已經唔熟！我都同朋友個警察老公了解過，佢話警察一個傳一個，最後傳到真咁。（追究？）冇源頭做唔到嘢，如果係真就攞證據出嚟！（有冇擔心女兒難以面對同學？）唔擔心，冇人會信，個女習慣應付複雜嘅事，佢唔會難受。（係咪有人追？）有就話你知。」提到鄧梓峰激氣得要以法律討回清白，吳綺莉說：「佢搞就啱啦！我就唔會。」

強調法律討清白

而正在英國開工的鄧梓峰除了於微博鬧爆外，他接受本報電話訪問時透露已與律師傾過：「網上傳聞好難搵到真兇，同太太都有電話聯絡，總之會喺法律上爭取番清白！」他昨日再於微博留言，感謝朋友對他信任及支持，原本餘怒未消的他聽到吳鎮宇搞Gag後而重拾歡笑。

另外，同劇演員官恩娜（Ella）前晚於活動上亦表示有留意傳聞：「我唔信傳聞！」