Wyman阿徐站台給力

阿詩昨日公開是女同志，身邊一眾好友到現場為她給力！

歌手黃耀明（明哥）：「佢好勇敢，我唔擔心佢Come Out會影響佢嘅星途！阿詩唔係為咗自己，而係為咗下一代，我知道有啲小朋友係同志，不過學校老師知道就夾硬要『拗直』佢，呢啲係咩世界！」

好友黃偉文（Wyman）：「阿詩一直以來冇刻意隱藏，係個忠於自己嘅人，令我好欣賞！我今日出嚟係想呼喚大家對同志嘅意識，唔係去質疑出席者係同性戀定異性戀嘅關係！」

徐濠縈：「佢公開後終於少咗一個包袱！」

慢必：「佢仲係拚搏階段，做呢個決定好艱難！」

曾承認有同性關係的名模莊思敏：「每個人都有選擇性取向嘅權利，只要開心又冇傷害人就得！（愈來愈多人承認性取向？）突然真係好多！（唔認係咪好痛苦？）講大話係好痛苦嘅事！」

曾被傳「斷背」的胸模趙碩之：「好開心！雖然我同阿詩唔熟，不過身為藝人踏出呢一步顧慮可以好多，例如擔心代言問題、工作安排等等，佢今次咁做犧牲可能好大！佢好偉大，佢為同志及社會進步，作出咗身體力行嘅支持同鼓勵。」