古卓文「處男」愛百變

參加2009年《亞洲星光大道》入行的混血歌手古卓文（German）不但外形俊朗，歌喉及舞姿亦不俗，近日推出首張個人EP，希望能學偶像梅艷芳一樣咁百變！

自小喜愛唱歌的歌手古卓文（German）自爆小時候最愛是百變天后梅艷芳，希望歌路可以好像梅姐一樣百變！剛於上月24日生日的他開心地表示一張完全屬於他個人的EP已面世，是最好的生日禮物，新碟內每首歌各有風格：「我覺得音樂係冇分界限。」又謂近日愛上Soul和R&B的歌曲，希望在音樂上能夠與同是好歌之人包括方大同和王菀之合作！

談到第一次出碟，German心情興奮地說：「由參加完比賽到簽畀肥媽，再去到依家有一個真正屬於自己嘅嘢，真係好開心！因為做歌手係我小時候嘅夢想，估唔到我呢個夢想真係實現到！」

怕醜仔突然轉性

雖然German自小喜歡唱歌，不過原來他當時只敢偷偷地唱：「我好怕醜，細個到依家嘅性格係極度相反。（轉捩點？）我12歲嗰年，去咗朋友生日會，見人人都唱，咁自己又攞住支咪唱，當時好驚、好震，好彩自此之後壯番個膽。」對於唱片銷量，German十分有信心：「作為一個新人，第一隻碟好重要，我要話畀人聽我依家係一個真真正正嘅歌手！」