AOA孖妹爭獎有信心

金牌大風孖妹組合AOA今年備受力捧，雖然不少女子組合相繼登場爭崩頭，但無損孖妹爭獎信心，大孖說：「個個都有特色，今年競爭好大，我哋跳舞做主打，走型格路線。（有乜突出之處？）我哋4歲學芭蕾舞，之後又學其他舞步，依家跳舞會學啲男仔Step，比較強而有力。」問到會否擔心比較？細孖說：「比較一定有，冇話驚唔驚，大家風格唔同。」AOA曾擔任主持，面對鏡頭也頗敏感，大孖說：「相比同期新人算係較着數，起碼對鏡頭會自信啲、從容啲。」對於不少孖生組合或孖妹檔包括Soler、衞蘭及衞詩、新加坡孖妹By2等先後闖樂壇，問到是否懂得分辨他們？AOA說：「可以用鬚分辨Soler，孖妹靠面形區別。」

孖妹組合AOA外形討好，能歌善舞，備受公司力捧。