吳彤為單親孩子心痛

歌手吳彤和Kawaii早前上演舞台劇《一屋細路仔》，處女演出的Kawaii笑言過程相當驚嚇：「我件戲服太鬆搞到差啲甩，如果唔係就變成成人歌舞劇喇！」她又笑言以為客串很容易：「初初以為好易，點知練咗第一次就知難。」吳彤取笑Kawaii綵排時雞手鴨腳，但經訓練後表現不錯。談到劇中的小演員，吳彤表示他們的身形非常高大，兩個才13歲的男仔已經高他一個頭，在謝幕時還差點被遮擋 。另外，他又勸喻為人父母者應愛錫兒女：「劇中的小朋友要演繹無父無母的角色，真係令我好震撼，因為佢哋當中有唔少真係來自破碎家庭，所以希望大家要認真對待婚姻。」

Kawaii（前排左）、吳彤（前排右）與小演員一同演出舞台劇，十分開心。