Fiona笠袋袋嚇鬼
每年萬聖節例必有一大班藝人以搞鬼打扮周圍Wet，歌手薛凱琪（Fiona）亦抽空趁墟，帶埋好友黃偉文、梁祖堯及湯駿業等齊齊去玩。雖然她避過正日去蒲，但街頭的萬聖節氣氛已相當熾熱。平日忙到冇時停的她難得可以去玩，當然要玩到盡，她興奮地留言：「今天晚上難得有空出來玩，這個萬聖節過得真快樂，謝謝你們！」
大多數人出席萬聖節活動都化行個妝，扮到鬼咁搶眼，反而身為明星的Fiona完全冇睇頭，Hea味極濃！她不但淡妝上陣，連眼線、胭脂也懶得畫，還只用膠狀物料纏身，單看上半身的打扮，極難估計究竟在扮甚麼，大概應該是扮「巨型垃圾袋」啩！雖然被垃圾袋由頭笠到尾，但她依然笑得燦爛，樂在其中。其實包到實都有個好處，至少冇人認得出！