湯寶如開騷預告性感

入行20年的湯寶如（湯記）將一償紅館夢，在下月22日舉行處女個唱《湯寶如20年零一夜狂歡演唱會2012》。湯記昨日以黑色透視裝出席記者會，隱約見到小肚腩，她坦言正努力減肥：「依家日日做Gym同排舞o架喇！減多6、7磅啦！」又透露屆時會勁歌熱舞：「我想整到好似Party咁，會唱好多快歌，歌衫就會大Deep V同大露背！」她還表示男友很開通未有詐型：「佢冇唔開心，我仲要求清一色猛男Dancer，費事啲女Dancer靚過我又後生過我！」個唱更請來好友劉小慧和黎瑞恩做嘉賓，不過湯記原來最想張學友出席：「我同事有聯絡過佢，但佢唔得閒呀！（叫佢拍段片畀你？）都可以諗諗喎！」

湯寶如將於下月開騷，現正努力Keep Fit。