祥仔3奪視帝唔嫌多
黎耀祥（祥仔）、米雪、曹永廉、陳國邦和胡定欣等前晚出席台慶劇《大太監》於圓方戲院舉行的首播活動，各自有Fans支持。今次乃劇集罕有地在戲院舉行首播，演員以盛裝打扮行紅地氈進場。李詩韻和胡定欣則性感示人，不過被指將下嫁陳豪而收起性感的陳茵媺則略嫌密實遭搶鏡。期間他們齊聲吶喊，希望祥仔三奪「視帝」，不過祥仔表示不會有壓力，而他最想此劇可奪最佳劇集。
提到已有不少藝人開始拉票，祥仔說：「多多提醒，你哋幫吓手，不過會唔會早得滯。（攞過兩屆視帝欲望唔大？）唔會，獎項冇嫌多，好似中六合彩咁，唔會中過一次唔想中。（邊個係勁敵？）個個都係。」首播時，場內亦有Fans為偶像吶喊助威，而劇情主要圍繞一班太監身上，當中以黎耀祥唱京劇及奸角陳國邦欺壓更毒打黃浩然的場面較有亮點。
祥仔和米雪挽手赴會，全場高呼再奪「視帝」。
《大太監》演員在戲院與觀眾齊看首播。