高海寧呂慧儀誘志偉托胸

呂慧儀和高海寧前晚以性感造型出席「服古」派對慶祝萬聖節，自言是「龍劍飛」的曾志偉，見兩人如此性感，合照時即手多多使出「如來神掌」萬佛朝宗，假裝向兩人「托胸」，十分搞笑。

以「雅典娜女神」打扮的高海寧，與「西方公主」呂慧儀結伴出席《香港演藝人協會2012服古派對》，二人大騷事業線，平分秋色，問到呂慧儀是否與高海寧鬥搶鏡，她說：「我嫁咗人o架嘞！今晚一年一度配合主題。」

陳嘉桓扮黑天鵝

問到高海寧是否沒有古裝衫能配合其驕人身材，她說：「其實可以向無綫借，但程序複雜咪不如自己買囉！」同場的曾志偉被笑指是「武大郎」打扮，他則堅稱是「龍劍飛」，他與高海寧和呂慧儀合照時又動作多多，又戲言要使出如來神掌，更作狀雙手向兩人托胸，大搞氣氛。志偉透露活動筵開四十多席，買枱數目估計逾百萬元，他說：「上年冇搞一年，今年好多人打嚟訂枱。今次一半係籌款、一半係為咗聚一聚。」

藝人陳嘉桓亦脫穎而出以「黑天鵝」打扮成為焦點，她說：「眼部嘅彩繪係爸爸操刀，條裙特登喺網上訂，因為黑色好難搵到。」 另外，歌手關心妍以王菲經典「菠蘿頭」出席，可惜冇人認得，其容貌與過往判若兩人，她說：「真係認唔到我呀？我叫化妝師幫我畫粗條眉，畫豬膽鼻，就係要冇人認得我，咁咪成功咗囉！（擔心再傳整容？）今日係易容，唔係整容，係特技化妝。」連志偉也認不出她，他說：「嘩！我認唔到佢，以為係邊個妹。」另外，溫碧霞雖然帶病但仍悉心打扮，而肥媽則一身妖后Look赴會。