Psy教聯合國秘書長跳舞

韓國歌手Psy憑一曲《江南Style》熱爆全球，連聯合國秘書長、韓裔的潘基文亦公開盛讚他，前日兩人終於在紐約聯合國總部見面，身為聯合國兒童基金會大使的Psy，跟潘基文碰面即互笠高帽，潘基文談到Psy紅到爆燈即忍不住開玩笑說：「兩年前有人同我講，我係全世界最出名嘅韓國人，但我感覺同Psy一齊，我嘅風頭被佢搶晒，我真係好妒忌你。」

Psy則禮尚往來，與潘基文合照後，笑言家中擁有兩個全世界最有名的韓國人合照，還即場教潘基文跳《江南Style》舞步。而下月11日在德國舉行的《MTV歐洲音樂錄影帶頒獎禮》（MTV Europe Music Awards），《江南Style》獲最佳MV提名，他同時成為該頒獎禮首位韓星擔任表演嘉賓。

帶挈童星走紅

此外，Psy爆紅亦帶挈跟他合作的藝人，曾在《江南Style》MV中演出的8歲童星珉宇，日前與父母上節目接受訪問，他大讚Psy拍攝MV期間照顧他，送了三副黑超給他，自爆以前鍾意Big Bang多過Psy，但現在就勁鍾意Psy。