張家輝斷尾指變Z形

張家輝日前在澳門拍攝一場打戲時，被對手一腳踢斷尾指，因兩截骨被打斷，令手指頓變Z形！他不敢多望，入院時連護士都被嚇親！

曾奪亞太影展影帝獎項的張家輝，與曾志偉昨日到澳門出席《第五十五屆亞太影展啟動禮》。家輝自爆最近在當地拍攝新片，當中有大量動作戲，當拍攝一場普通動作戲時，卻發生踢斷手指的意外：「有一場戲畀對手一踢，將我隻手指尾兩截骨打歪，手指變到Z形，覺得好驚、好恐怖，望完一次都唔敢再望第二次，即刻去醫院。」

因家輝膊頭亦有傷，故護士一度誤會他入院為膊頭照Ｘ光，其後望到其變形手指時當堂嚇了一跳！問到有否通知太太關詠荷？家輝說：「冇，佢又睇唔到，費事佢擔心。（當時好痛？）麻醉藥過咗就好痛，之後一啲大型嘅動作戲都要推遲拍，先拍文戲。（怪踢親你嘅對手？）唔會。」

志偉貪玩激走老婆

而志偉正籌拍賀歲電影，記者取笑他電影中的「御用老婆」毛舜筠被賀歲片對手黃百鳴「撬走」，他笑說：「老婆可以成日換！」早年志偉曾在《志雲飯局》中透露曾結婚三次，最近他亦在無綫節目《最佳男主角》中提及第一段婚姻是因他貪玩而激走老婆王美華。志偉當年19歲，因父母想他結婚，他直言婚前已跟第一任太太明言，他覺得未玩夠，希望妻子給他三年時間，最後不夠三年，第一任太太已忍受不住而離婚。至於現時婚姻狀況，志偉稱很好，自己很怕提及家人，因希望他們有正常家庭生活。

此外，問到是否為下月結婚的好友錢嘉樂和湯盈盈任證婚人？志偉說：「會做，失場唔緊要，唔好失言！（飲宴當晚會否禁酒？）會禁肉，我食齋！」