甄子丹讚有拚搏精神
昨午四時半「宇宙最強」甄子丹亦現身機場接舉家遊泰返港的太太汪詩詩。對於霆鋒自爆患癌，子丹說：「都係睇報道先知。（叫佢拍戲錫身？）佢拍戲一向盡全力，有拚搏精神，連影帝都攞埋，唔使教佢乜嘢。」有指黎芷珊節目亦邀他受訪，他說：「係呀，我都想幫佢，要睇個期先。」湊巧姨仔汪圓圓的男友蔡加讚昨午從成都返港，有保鏢接機的他表示知女友同日返港，但因不同航班而緣慳一面。
另外，陳奕迅昨日在電話中表示已致電好兄弟霆鋒了解：「佢話冇事，我都放心晒，佢依家係香港年輕企業家，唔可以有事，有好多人跟住佢（指員工）。」另一好友葉佩雯表示得知霆鋒腫瘤屬良性已安心，故沒告知忙工作的老公郭偉亮。張家輝昨日則表示早在英皇70周年晚宴上已看過霆鋒手術後的傷口。
甄子丹抽空接太太汪詩詩機。
蔡加讚（右圖）與汪圓圓「咁啱」同日返港，認真有緣。