緋聞男友疑蜜運 Kary：今次甩難！
林德信（Alex）緋聞女友吳雨霏（Kary）得悉對方與Mango疑似夜蒲拍拖後，隨即開心地說：「今次甩難喇！」她強調與Alex只會在工作上才見面，亦未聽聞對方講過蜜運中，但笑指他向來有女人緣。問到會否送祝福？Kary大方地說：「如果真係再問我啦！人哋嘅事唔方便講。」
另外，將於明年再踏紅館舞台的Kary昨日出席活動時透露，由於門票昨早優先預售，因太受歡迎搞到Down機：「好開心！證明反應熱烈，尋晚緊張到失眠，希望可以加到場。」她揚言會買飛支持自己，問到會否送給冷戰中的網球王子男友洪立熙捧場？Kary即落閘說：「感情事唔講。」
Kary指前晚與「餅碎」打邊爐，但未被食客認出。