江若琳和周柏豪等昨日出席校園活動，甫出場便引得全場同學歡呼。問到女Fans被騷擾一事，江若琳說：「已經逐咗嗰個滋事分子出歌迷會，向佢發出最後警告同保留追究權利，應承咗我哋唔會再有下次。」
另外，有位貌似柏豪的內地男子面試亞洲先生，柏豪笑言兩人毫不相似：「我自己唔覺，我亦冇勇氣選美，可以叫我着三角褲，但係唔好叫我擺Pose！」他稱正積極操練肌肉，希望在年底音樂會上騷身材。柏豪又力撐緋聞女友連詩雅天生麗質毋須整容：「靚女唔使搞呢啲，我見過佢素顏，仲同佢講化淡妝仲靚。」
江若琳、周柏豪和陳柏宇大受學生歡迎。
