Stephy搵錢至上未肯嫁小方
張智霖和劉心悠前晚出席電影《天生愛情狂》首映，而之前眾人先到旺角派禮物造勢，場面墟冚！對於人多易生混亂，但心悠坦言不擔心：「我之前都有去過，好刺激，但今次着咗高跟鞋，好彩有兩個善心人士（指葉念琛、張智霖）扶我。」電影公司推出一個以心悠戲中造型的Figure公仔，心悠不擔心有人作不當行為，因就算有，她都無法控制！
而鄧麗欣（Stephy）出席首映撐場，問到是否快將跟方力申結婚？她直言暫不考慮，因想趁後生搵多幾年錢才再作打算。問到小方有否求婚？Stephy說：「冇呀！佢唔會做一啲冇把握嘅事。（小方成日返內地拍戲，會Check佢手機同行蹤？）唔會，多疑好辛苦，我哋互相信任，佢都唔會突然失蹤。」另外，張智霖忙於工作，其太太袁詠儀在微博上載自己跟兒子、媽咪遊香格里拉的照片。
撐導演葉念琛場的Stephy，暫未有結婚的打算。
劉心悠翹實張智霖出席首映。