William唔諗長遠阿Sa揼骨出火
蔡卓妍（阿Sa）、杜汶澤及吳浩康（Deep）昨日到大角咀為英皇電影《超級經理人》拍攝阿Sa遭Deep強行抬走的場面，被取笑體重輕如一疊紙的阿Sa說：「我都有100磅o架！我食好多嘢都肥唔到，之前試過重咗3磅，好開心！（開工太攰影響食欲？）唔會，不過試過攰到唔記得對白，個人成身好慶，收工後去揼骨，唔知係咪啲火出晒嚟，第二日精神番！」
阿澤透露沒有空挑選金馬獎戰衣：「遲吓要去韓國、杭州拍戲。（太太田蕊妮代勞？）佢仲忙過我，應該攞唔到假去金馬獎添！」對於外界狠批舊愛莊思敏主持的節目《爆足一周》冇料到，Deep說：「畀啲時間，佢大把料爆！（爆同你拍拖秘聞都得？）幫到收視唔介意！」
另外，陳偉霆（William）昨日與詩雅到屋邨家訪長者，問到會否想與女友做老夫妻？William說：「冇諗咁長遠，大家仲後生！」
估唔到阿Sa咁輕都要Deep（左）和另一位演員合力抬起！
William配詩雅、阿Sa配阿澤？配錯咗喎！
