Kary索親筆簽名

早前環球唱片公司為旗下歌手吳雨霏（Kary）拍攝騎馬舞MV，昨日她聞得韓國男歌手Psy將於下月來港出席《MAMA音樂頒獎禮》時，她大嘆走寶：「嗰日我有嘢做，所以去唔到嗰個活動見Psy，好在佢都係環球歌手，我惟有叫國際唱片部嘅同事幫我攞張親筆簽名相補數啦！」

問她可期待和Psy合作？她恨到出口說：「梗係想啦！其實我都可以好搞笑o架！如果有緣合作，我一定會向佢偷師，學吓點樣搞笑。」對於她的騎馬舞MV被網民批評拍攝水準遠遜於錢國偉的版本，更貶為「Hea版騎馬舞」，問她可感不悅？她說：「咁又唔會唔開心，其實我公司只係Just For Fun啫！希望大家都係抱住玩嘅心態去睇呢個MV，千祈唔好咁認真。」

至於早前以性感造型為鄭伊健和古巨基執導、錢國偉扮Psy拍《Hong Kong Style》MV的賈曉晨（JJ），模仿韓國女子組合4minute成員泫雅，在港鐵車廂內性感跳舞又與錢國偉比「舞」備受好評，JJ昨日得知Psy落實來港出席頒獎禮，她表示很期待：「我都好想去見佢真身，如果可以同佢Jam舞就更好啦！」