何紫綸情迷滑水

模特兒何紫綸曾因滑水而樂極生悲，整個人撞入水裏失去意識數秒！從鬼門關走出來，難免留有陰影，故她改為挑戰較安全的潛水活動，在水中平靜地與魚同游。

別看何紫綸（Ann）身形纖細，以為她弱不禁風，甚少做運動，事實剛好相反，原來她熱愛水上運動，不僅是游泳，連帥氣十足的滑水她都略懂一二。

潛水享受寧靜

Ann表示當年受前男友張豪龍影響而接觸滑水這玩意，並沾沾自喜地說：「滑咗三次左右就起到水，都算幾有天分！重點係要放鬆個人，而唔係同啲水鬥力。但我只係有頭威冇尾陣，識起水，唔識做動作o架！」即使只懂站着滑水，卻充分滿足到其英雄心態，令她自覺威風凜凜！

不過，Ann亦曾「遇險」，雖然那次已穿上救生衣及做足安全措施，但在水面飛馳時卻突然失重心，「噗通」一聲撞入水裏，那股衝力足以令人失去知覺，Ann猶有餘悸地說：「嗰次我成個人向前仆咗落水，可能因為個頭先落水，搞到個人暈暈哋，好似搵唔到自己幾秒咁，真係好驚！」幸好最後化險為夷，並無釀成意外，卻令她留下陰影。因此，她計劃轉戰較為平靜的潛水玩意：「喺水裏面欣賞唔同嘅魚同珊瑚，好似會好舒服咁！」

Profile

姓名：何紫綸（Ann）

年齡：31歲

三圍：32B、24、33

身高：1米70

星座：水瓶座

簡歷：曾與張栢芝胞弟張豪龍拍拖，並曾為Nike、新天地、羅浮宮及日本食品等牌子做騷及參與廣告拍攝