女歌手麥貝夷（Karene）對所有與兔有關的精品均愛不釋手，她表示對兔仔的情意結緣自18歲：「當時男朋友送兔仔畀我，點知過咗幾日就分手，咁我惟有『獨力撫養』啦！之後就愛上兔仔！」她笑言兔仔性格高竇，令她又愛又恨：「兔仔好需要私人空間，成日搵個Pat Pat對住我，但有時又好嗲，可謂一啖沙糖一啖『咩』，所以更珍惜佢嗲我嘅時間！」她表示家中經常「被兔包圍」，除了寵物外，文具、裝飾品、公仔，甚至地氈都是兔仔圖案，她又笑言追求者最好也是「兔癡」，至少不可以憎牠們。
兔癡麥貝夷除了飼養可愛兔仔Cupid外，更收藏了不少兔仔的精品及日用品。
