郭羨妮為愛女推劇
郭羨妮忙於拍攝產後復出頭炮的賀歲劇《初五啟巿錄》，戲份多到瞓覺都冇時間，連陪愛女Kylie的時間都被迫減少，近日監製徐正康有意找她做新劇《傳愛事務所》女角，與視帝黎耀祥、陳豪合作，不過由於郭羨妮希望與愛女過聖誕，即使高層親自致電邀拍，亦不惜婉拒。原本該角色屬意邵美琪，如今郭羨妮又演不成，最後落在伍詠薇手上。
郭羨妮在電話中說：「好攰，考慮到自己嘅情況，如果拍完呢套可以抖一個月先拍都可以，既然畀唔到好狀態，不如抽多啲時間陪個女，今年係同個女第一年過聖誕，想同佢去玩，陪個女緊要啲！（合作嘅係好戲之人？）好可惜！」而執三攤的伍詠薇說：「冇所謂，只要角色適合，加上有兩位強勁嘅人合作，黎耀祥、陳豪都係視帝，求之不得啦！」