薛凱琪行騷獲厚待保三點
本地著名設計師何國鉦（Dorian）日前在上海舉行時裝騷，為上海時裝周揭序幕，展出全新推出的Doll系列，並請來江若琳、薛凱琪（Fiona）及陳嘉桓行騷。首先由江若琳打頭陣，壓軸出場的Fiona身穿由數千粒水晶鑲嵌的連身裙，卻被裙腳絆倒，令她險些仆倒！Fiona事後解釋：「因為頭飾好重，加上我前一晚錄音後朝早就上機，唔夠瞓。」她稱大會安排了一間獨立房讓她換衫，並笑說：「我見到出面嘅模特兒剝光豬換衫，我可以力保三點。（有冇Push Up上圍？）冇！太大唔啱我，我係冇睇頭。」而陳嘉桓表示今次行騷後獲讚有進步，感到很開心：「我上年幫Dorian行騷，大家都覺得我行得唔係咁好，今次畀人讚，我覺得自己有九分。」Dorian亦滿意各人表現，他說：「Fiona同江若琳冇綵排，又係第一次行咁大型嘅騷，我知佢哋好有壓力，有咁嘅成績已經好好。」
江若琳示範性感Tube Dress，為時裝騷打頭陣。
Fiona捱眼瞓行騷，獲何國鉦讚Good！
陳嘉桓滿意今次行騷，認為最緊要有人讚。