陳妍希「拜師」恨做打女
「宅男女神」陳妍希、楊紫瓊與洪金寶（三毛）等昨日在記者會喜相逢，陳妍希首次「拜見」楊紫瓊勁開心，她說：「我都想做打女，要像她一樣有型！」她還表示曾巧遇奧斯卡影帝艾哲倫保迪兼索合照，但仍未見到朗拿度與姚明。至於楊紫瓊重遇洪金寶，她開心地說：「我對上一次嚟海南係11年前，今次好開心見到我第一套電影合作過嘅洪金寶，但佢好似肥咗少少！」三毛聞言即說：「我瘦咗！荷包瘦咗！」
此外，三毛又笑同場的苗僑偉（三哥）球技退步：「三哥係我偶像，平日打得好，但今日啲波打到亂飛，唔通打出咗我嘅水準？我都係嚟欣賞其他人打波，借打波發吓脾氣。」三哥則解釋：「我以前係高手，依家係低手，形象破壞晒，可能好多觀眾包圍要保持笑容啦！」
陳妍希出席記者會晒美腿。
楊紫瓊即場獲邀打手印。
苗僑偉（右）與孫楠交流心得。