復合後首個牛一Katy John食足全日
人氣歌手Katy Perry前日與「復合男友」John Mayer食足一日，慶祝男友35歲生日。被傳離合多次的二人，日前被影到撐枱腳，因而傳出再度復合，前日趁John生日，兩人又全日糖黐豆慶祝，間接證實復合消息。
Katy當日戴上大帽兼黑超遮臉，與John一同現身位於紐約的餐廳食午飯，雖然二人打扮低調，但甫落車即被大批狗仔隊包圍，Katy只好擰歪面急急腳步進餐廳。至晚上，Katy換上連身花裙再陪男友搵食，John未有穿上西裝，只以牛仔褸襯黑煲呔，二人吃飽飯離開時亦未有拖手，反而黑晒面。