珊迪娜「裸」格仔搞笑

金像影后珊迪娜布洛（Sandra Bullock）為節目主持Chelsea Handler的清談節目拍攝大膽搞笑短片，兩人一絲不掛演出沖涼戲，「袒」誠相對大講不文！

演技精湛的48歲奧斯卡影后珊迪娜，早前為Chelsea的新一季清談節目拍宣傳短片，大膽於公仔箱有突破演出，大方露肉！短片中的珊迪娜與Chelsea一絲不掛在浴室中碰頭，重點部位被「打格仔」，增強搞笑效果。

笑Chelsea失禁

濕身的珊迪娜面對同樣袒蕩蕩的Chelsea，即教訓她不是稱職的主持，更拉名嘴奧普拉（Oprah Winfrey）落水，大講不文：「你有責任做一個受尊重嘅清談節目主持。呢個訊息係由奧普拉嘅嘴直接傳畀我嘅耳仔、我嘅嘴，再去到你嘅耳仔、進入你嘅身體、喺你嘅陰部出嚟，然後進入我嘅陰部再從肛門出嚟。」Chelsea聽完交足戲做出驚訝模樣，珊迪娜則繼續放笑彈，指奧普拉着Chelsea要成為少女模範，要她停止喝酒及停止與嘉賓上床。珊迪娜「裝認真」地說：「呢個係我冇上你節目嘅原因，我唔想同你上床。」最後嘲諷Chelsea被嚇到失禁，然後離開浴室。

Fergie自誇一樣勁

事後，Chelsea於節目中大爆珊迪娜做安全措施才有此「性感」演出，指對方拍攝時穿肉色底褲及用乳貼，相反自己則全裸上陣。女歌手Fergie現身節目看完短片，大讚Chelsea胸形美，但不忘吹噓自己的胸部「飽滿多汁」；另外，女星珍妮花安妮絲頓（Jennifer Aniston）早前亮相節目時飛釘，效果嚇人！