鍾嘉欣絕不上床換視后
藝人鍾嘉欣、陳展鵬及蕭正楠等昨日為新劇《巨輪》進行開鏡拜神儀式，嘉欣表示在劇中與陳展鵬及蕭正楠有感情線，與展鵬更有咀戲，但沒有床上戲：「會盡量避免拍床戲！」問到是否緋聞男友伍允龍不准許，她尷尬地說：「點會又講到佢？人人都有底線！」提到為爭視后的徐子珊在劇集《雷霆掃毒》都有床戲時，她說：「攞視后唔一定要上床，每個人選擇唔同，自己會避忌啲！」而《巨》劇故事背景是在九十年代，但嘉欣一頭勁鬈齊蔭的娘爆髮型，十足八十年代一樣！
此外，有傳陳豪因陳展鵬而退出此劇，展鵬表示沒可能，與陳豪見面亦不會尷尬：「絕對係謠傳！」至於日前與緋聞女友何傲芝在旺角鬧市撞車的蕭正楠，被問到女友有否被嚇壞？他說：「係咪講緊緋聞女友呀？佢仲淡定過我！因為佢之前有（炒車）經驗，可以同我分享，要同佢講聲Thank You！」
鍾嘉欣直言與柏檔陳展鵬有咀戲，但床戲可免則免！