周潤發收黃曉明為徒
周潤發、黃曉明、吳鎮宇及洪金寶等昨日宣傳主演新片《大上海》，電影公司安排發哥將「龍頭棍」交予下跪的曉明，二人正式結為師徒，身穿黑衣的男主角陸續上香，發哥不禁說：「我哋唔好講咁多，等陣警察嚟喇！」曉明向恩師送高帽說：「以後有發哥罩我。」發哥即笑說：「咁大個人使乜照呀？我淨係照顧Baby咋！不過你咁靚仔係『Handsomebaby』，嗰個就係Angelababy。」他又着曉明不要經常Chok。對於被指在片場內相當壓場，發哥愈講愈風趣：「着條底褲成個星期唔洗，咪『壓』囉！」
曉明更晒發哥給他拍的照片：「發哥是我見過最貼心的演員，不！是大明星，他對片場上下也很照顧。」吳鎮宇獲發哥大讚演技好常有「奇招」，鎮宇謙稱：「係我唔記得對白，惟有盡力『兜番』。」他難忘當年參加訓練班畢業演出，正趕拍劇的發哥現身支持：「我哋做完晒就見佢起身鼓掌，我人生中做戲第一次得到嘅掌聲，係嚟自發哥o架。」
曉明（左）下跪拜發哥為師。
曉明大晒發哥為他拍的照片。