節目巡禮食住條水 沈卓盈發揮騎呢本色

無綫前晚拍攝節目巡禮閉幕片段，湊熱鬧模仿近日爆紅的《江南Style》，大跳騎馬舞，場面浩大，幾乎佔用了電視城一廠外停車場空地，演出藝人包括曾志偉、陳百祥、沈卓盈、王君馨、陳庭欣、應屆港姐張名雅及黃心穎等，他們表現得相當興奮！事後，沈卓盈將合照上載微博，她受訪時表示排練及演出只得四個半小時，臨時學跳，導師教最緊要夠騎呢：「唔係睇住條片模仿，只係無綫排舞導師教我哋跳，唔夠時間學，但導師話愈樣衰、愈核突就愈好，我着住高踭鞋跳，對腳好攰。」另外，歌手吳雨霏（Kary）與電台DJ演出《江南Style（Sexy Lady版）》MV，Kary懶理儀態，張開雙腿大跳。