意粉達人
除是甜心小姐，汀叮亦是烹飪達人，酸辣湯、獅子頭及意大利粉等無一不精，她笑言最拿手的是意大利粉，更大談將意大利粉煮得軟硬適中的秘訣：「我最鍾意煮意大利粉同天使麵，意大利粉大約煮八分鐘，天使麵就三至四分鐘度，秘訣係滾水落，之後仲要用凍嘅食水過冷河，麵身先至煙韌。炒意大利粉嘅話，個麵就唔可以煮咁耐，大概五分鐘度，咁個麵煮出嚟先唔會一Pat Pat。」她又指若煮海鮮意粉，可落番茄及茄膏「辟腥」：「我會落四隻番茄加茄膏，如果唔想落茄膏嘅，就要落夠八舊番茄先有辟腥嘅效果。」
汀叮又指由於她是外省人，故最愛弄小食冷盤，除了涼拌木耳青瓜外，雞絲粉皮亦是她的拿手好菜：「其實最難整係啲醬汁，最緊要係買冇粒粒嘅花生醬煮，咁樣會滑啲，仲有唔好大火煮，否則好易燶。」她又指烹飪絕技全由母親傳授：「我媽咪煮餸好勁，細個睇得多佢整嘢食都偷到啲師。依家如果媽咪得閒，我會約埋一齊整嘢食，可以培養感情。」
汀叮在廚房示範煮意粉。
汀叮捧着煮熟的意粉，令人垂涎。