高海寧炒車嚇到震

「無綫咪神」高海寧昨日發生交通意外！雖然她幸無受傷，但事後談起撞車經過仍猶有餘悸：「我好驚，嚇到隻手係咁震！」

高海寧（高Ling）、莊思敏及HotCha成員Winkie等昨日宣傳無綫J2台節目，身穿透視裝、透Bra的高Ling姍姍來遲，她即解釋撞車引致遲到：「好驚呀！頭先趕緊過嚟，望清楚盲點位同倒後鏡後諗住Cut線，唔知點解有架車突然出現，咁就撞咗，好彩冇受傷，不過寫電話畀司機嗰時隻手震晒！」

高Ling人無大礙，並自我安慰當是破財擋災，但仍不甘說：「佢架車凹左少少，我架車就好嚴重，成個頭花晒，仲要賠錢！（係咪性感釀意外？）咁係咪應該佢賠畀我呢？」

莊思敏唔敢亂打

另外，身為美容品牌代言人的莊思敏表示，關注近日的醫學美容新聞，她坦承曾打Botox，不過已停了數年：「我第一時間問代言公司出事嗰支係咩針！佢哋都話未聽過！」經過這一役後，她表示不會亂試產品，更呼籲在美容前必先清楚產品成分。