何思諺剖白變喊包

「陽光媽」何思諺近日推出回憶相集記錄結婚及生B兩件大事，她看到朋友寫給她的「勇敢的女人」留言感動落淚，笑言寫文章時變了大喊包！

年初榮升「陽光媽」的何思諺（Leanne）去年經歷不一樣的一年，由拍拖、結婚到生B，也許別人需要花多年的時間，她只用短短一年時間就完成。為分享這段不同的人生路，她近日與攝影師合作，推出回憶相集。

提到相集中的照片有大肚肥爆及素顏相，她亦不介意︰「呢個係好真實嘅我，好似冇化妝攤喺屋企，啱啱生完B好辛苦嘅相，好多相好多人都未見過，但我唔係點注重個外表嘅人！」書中亦不乏Leanne的內心剖白，除了記錄這一年的心情外，還有朋友的說話，她坦言看後非常感動︰「佢哋寫得好深入，因為同我一齊經歷咗好多嘢，原來我喺佢哋心目中係一個好勇敢嘅女仔，同別人嘅選擇好唔同，我睇完真係感動到喊！」

開心行下去

除看到這些朋友的心底話不禁流淚外，當撰寫文章時，亦喊了出來，她笑言當時變了「喊包」︰「我第一篇寫點解同佢（老公杜志烜）結婚、點解揀呢條路，寫寫吓都覺得好心酸，但唔係唔開心，係覺得我決定行呢條路，就要開心咁行落去！」此外，她坦言今次的相集為復出幕前鋪路，故特地挑選收身後的靚相︰「輯相喺香港拍，係同一個時裝品牌合作，我好鍾意呢輯瘦番嘅我嘅相。」