楊柳青入行六年轉型受白眼

「警鐘模」Jessica C.的師妹楊柳青（Wiyona），由模界殺入主持界，她坦言入行後飽嘗人情冷暖：「入咗模界六年，最近先加入電視台做主持，不過啱啱做時冇乜人識我，受盡白眼真係唔好受！人哋會誤會我只係靠外表搵食，其實我係鍾意靠實力。」她表示希望努力展示專業一面令外界改觀，更說：「如果只想靠外表，大可搵個有錢佬嫁咗去！」

除了主持人工作，Wiyona亦有自己生意，她說：「我好鍾意扮靚，同朋友合資開舖賣衫，仲充當形象指導幫客人扮靚！」她自覺獲幸運之神眷顧，能參與新一輯now節目《女皇駕到》：「一邊教人扮靚，仲可以偷師學化妝技巧，真係好開心！」

Wiyona自爆由模特兒轉型當主持後飽嘗人情冷暖。