Celia K.「捽」上神州有優勢

寫真戰過後，o靚模可謂銷聲匿迹，原來個個北望神州捽碟搵人仔，其中郭穎兒及曾善美頻練打碟之餘，更忙為新歌排舞，如此地獄式鍛煉，想肥都幾難！

寫真戰結束，除了部分投身影圈，其他o靚模彷彿集體人間蒸發，實質她們只是將基地北移，返內地捽碟搵真銀！「百果園咪神」陳靜（DaDa）的兩位師妹郭穎兒（Celia K.）及曾善美（Mei Mei）繼續孖住上，將會擦出更多合作火花，包括捽碟、唱歌及跳舞等，問Mei Mei對Celia K.會否日久生「厭」，她即露出一副姊妹情深模樣：「其實對得愈多，感情愈深厚！我哋親密到好似屋企人咁，絕對係無所不談！」

計劃再出寫真

為了「捽」得勝人一籌，兩人一星期跟捽碟師傅Simon「上堂」捽多幾次，即使實力未夠班，但都先贏台型，名副其實輸人唔輸陣！她們又將與o靚模方媛（Moka）、王梓如（Ayu）及關紫藍（Asa）組成性感打碟組合「Voodoo Girls」，屆時五人拍攝寫真之餘，還會推出國語歌《Voodooland》。Celia K.則同時要應付電影《一路向西》的宣傳，面對排山倒海的工作，她卻處之泰然，認為可乘機減肥，一舉多得！