林二汶買樓錢押注出碟

林二汶出道至今，她的靚聲一直備受垂青，不過她卻自爆不太滿意自己的聲音，認為得個殼冇內在！不過依然堅持唱歌的她認為音樂的本質就是帶給別人快樂：「唱歌就係最開心！」

女歌手林二汶日前到ontv節目《娛樂onShow》擔任嘉賓，並向主持周吉佩（吉吉）透露為了專輯花了六位數，更揚言這些金錢足以讓她買下一幢樓的首期！吉吉問她為何不買樓？她即笑說：「因為我想買超過一層樓，同埋投資自己嘅事業，而呢隻碟最貴就係音樂本身，同埋當中嘅心機同時間！」

懷念盧凱彤

雖然二汶擁有一把令人羨慕的靚聲，但她原來一直都不滿意自己這把聲音：「我唔希望人哋淨係話我有一把靚聲，反而恨人哋話我唱得好！一把聲如果冇經歷、冇工夫去磨練，都只會係靚，得外在美冇內在美係唔得！」

此外，二汶出道時與盧凱彤組成at17，雖然現時分開發展，不過二汶亦坦言偶爾會懷念同台演唱的日子！吉吉問她一個人發展會否感到很大壓力？她說：「我又唔會驚，不過好懷念佢拎起結他，然後我哋點一點頭就開始唱歌嘅時刻！但係當你知道你唱獨唱，呢啲嘢就再唔會發生，所以我好Ready一個人去唱歌！同埋我依家拎住嘅歌係一啲我好驕傲嘅歌，所以我唱得好開心！」

二汶亦很珍惜每次表演的機會，更認為音樂的本質就是帶給別人快樂：「有一次我去商場表演，雖然只得一支咪，不過我居然見到樓上嘅叔叔跟住我一齊搖，我見到覺得好開心，亦令我明白回歸原本，唱歌就係最開心！」