呂晶晶拍廣告轉到暈

擁有一張童顏的前亞姐呂晶晶，日前以清純Look拍攝護膚品廣告：「廣告中，我先以時裝造型出現，然後撕開面膜後，變成古裝造型，帶出宜古宜今傾城之色嘅意思！其中一幕我要雙手抬起，想像自己捧起水珠，手抬高但又唔可以遮到面，個位要就到啱啱好，試好多次至OK，試到我雙手好痠軟！」另一個鏡頭，她要着住5、6吋的高踭鞋不斷轉圈，轉到她頭暈！為了以最佳狀態示人，晶晶事前刻意節食及做運動，效果令人滿意。

亞姐呂晶晶投入拍攝，相當專業。