蔣家旻整餅賀羅天宇

無綫藝員羅天宇及蔣家旻情同兄妹，蔣家旻趁天宇於本月初生日，親手整蛋糕氹「阿哥」，二人學整餅期間不時互相整蠱，搞笑又窩心！

無綫藝員羅天宇（Joey）及蔣家旻（Angel）最近在處境劇《愛．回家》中飾演兄妹，感情增進不少，日前他們齊齊到餅店學整餅，原來Joey於本月初25歲生日，Angel即席為「阿哥」炮製生日蛋糕，做足好妹妹本分！

爆多女埋身

兩人在老闆及導師教導下，嘗試搓麵粉、上色、倒模及裝飾多個步驟，貪玩的他們不時拿起用具及材料整古做怪，認真百厭！Joey更搓了一個豬形麵粉糰，笑指Angel是豬女！兩人玩完一輪，終於成功炮製靚靚大蛋糕！Angel為Joey點蠟燭許願，又齊齊唱生日歌及吹蠟燭，非常窩心！

提到生日願望，Joey要投入工作，亦因剛完結上一段戀情，暫時不想拍拖，對於常有新緋聞，在旁的Angel笑說：「我同丹爺（劉丹）都研究過，Joey個樣似係好多女仔『嗡』埋身，啲女仔都想照顧佢！」令Joey哭笑不得！他們又互笠高帽，Joey表示在家中也是兄長，因此做慣照顧人的角色：「Angel平時傻傻吓好得意，不過佢拍劇比我多經驗，會畀唔少意見我！」Angel則讚Joey任勞任怨，甚為體貼：「有時我真係阿妹上身，會叫佢幫我拎袋！」