Eason大把錢畀老婆使

陳奕迅前晚出席活動，提到黎明與樂基兒宣布「分手」，他坦言冇留意，但寄語任何人相處都要互相給予空間，對於老婆被指「大花筒」，他力撐愛妻：「使極都有。」

陳奕迅（Eason）、泳兒及羅力威等前晚出席活動，身穿設計師Jeremy Scott新裝壓軸出場的Eason透露稍後會與對方合作。提到黎明與樂基兒前日聯合發聲明宣布「分手」？Eason坦言冇留意，問到夫妻相處之道？他說：「兩個陌生人走埋變親人，唔好話夫妻，朋友都需要畀空間，我唔係講黎生，係講所有人嘅相處。（有小朋友好啲？）都係，會多啲一齊，但我係有小朋友先結婚，冇一個階段係兩個人相處，所以分享唔到啲咩。」

提到與太太徐濠縈常有不少傳聞，阿徐又被指是「大花筒」？Eason力撐愛妻：「冇嘢！佢哋咪寫囉！使極都有，吹咩？（阿徐被影到夜蒲？）我都同啲女仔去蒲，不過冇人影到，同阿徐一齊嗰啲男仔我都識。」他又承認阿徐早前遙控他為愛女康堤搞生日派對，但他卻幫不上忙，而且多年來都沒有送禮物：「等佢18歲先送份大禮畀佢，個女一向都冇咩要求，同埋佢生日都要返學。」他叮囑記者不要到康堤學校及寓所樓下守候，更笑言寓所的保安有槍及電棒！

阿徐湊女放學

至於康堤昨日8歲生日，昨晨由巴黎返港的阿徐下午到學校接她放學，遇上同樣接女兒放學的彭羚，兩人即密斟。當阿徐步出學校時，因記者爭相拍照不小心撞到一位婆婆，阿徐即安慰婆婆。提到昨日是「全港哀悼日」為海難死者致哀，問到身穿黑外套的阿徐如何與愛女慶祝？她說：「應該唔會點慶祝。」然後直返寓所，並見友人到其家中出席派對。由於寓所樓下有大批傳媒追訪，保安一度驅趕及有人報警，亦有警員前來調查。