姜大偉悲嘆：佢仲咁後生

惠天賜（小四）在北京寓所暴斃，圈中不少藝人感到愕然，紛紛在不同渠道包括微博等表示惋惜。

姜大偉不斷搖頭嘆息：「好愕然！好可惜！我同佢合作過，當年我做導演，小四做我武術指導，所以好熟，不過近年我哋冇聯絡。（佢返內地？）我都唔知，不過佢仲咁後生，真係好可惜！」

戚美珍口震震眼濕濕：「我哋識咗好耐，三哥（苗僑偉）同小四都好熟，以前佢哋成日踢波，不過近十年都冇聯絡，印象中佢返咗內地。（慰問小紅？）我通知咗三哥先，佢未知o架！」

陶大宇：「近期香港發生太多唔開心嘅事喇！我讀訓練班嗰陣，小四哥係我哋大師兄，自從佢離開無綫之後就冇聯絡，不過我同小紅好熟，希望佢身邊嘅人幫手辦身後事，我會再問候小紅。」

莫少聰：「剛剛收到一個很難過的消息，惠英紅的哥哥惠天賜（小四哥）逝世的消息，曾經跟（小）四哥合作過好幾部電影，這個消息太突然。紅姐節哀，（小）四哥一路好走，永遠懷念你！」

霍汶希：「好驚訝！我同惠英紅兩姊妹好熟，細妹仲係同事，好想第一時間打去慰問但唔夠膽，怕呢一刻佢好傷心，會問佢哋有冇嘢要幫手？會畀佢哋放假，等佢哋處理阿哥嘅身後事。」

李珊珊：「楚留香的中原一點紅……先生一路走好」

錢嘉樂：「一路好走！小四哥！」

尹天照：「願惠天賜四哥息懷主內！」