祖兒：要好肯定先會結婚

黎明與樂基兒分手收場，圈中人議論紛紛，無不表示惋惜！

容祖兒：「呢啲係緣分嚟嘅，佢哋都開心過，希望兩個都搵到幸福！（外間傳樂基兒有新歡？）旁觀者唔應該加把嘴！（一紙婚書兒戲？）冇人一結婚就會諗離婚，要好肯定先會結婚！」

劉晨芝：「我同身在外地嘅Gaile聯絡過，Gaile話佢冇問題，我先放下心頭大石！我覺得Gaile性格堅強，作為朋友，應該畀多啲空間佢！（Gaile幾時返香港？）暫時都唔會返港住！」

麥玲玲：「其實當年黎明同樂基兒拍拖，我已算到佢哋會分手，我話過：『佢哋唔會係大家嘅最後一個！』嗰時我仲畀黎明啲Fans鬧，其實佢哋已經行得比想像中長！（復合機會？）機會唔大囉！」

梁思浩、Kawaii：「黎明為人有情有義，係樂基兒逼黎明離婚！」

徐子珊：「我同黎明冇聯絡喇！不過我有留意佢同樂基兒，最近好多朋友離婚，自己都有種恐慌，有啲驚，對婚姻有猶豫！真係結都要諗清楚！（搵真命天子？）睇吓婚禮有冇先！」