趙詠瑤簽錯約食詐胡
所謂青春少艾,趁年輕時就要勇於嘗試新事物!o靚模胡心諾(Rainbow)師妹趙詠瑤又是另一90後、敢作敢為的典範,其再接再厲及永不放棄的精神,絕對值得學習!
仍然在學的趙詠瑤(Vivian)乃新進模特兒,她正修讀理工大學時裝系的高級文憑,青春少艾的Vivian愛接觸新事物。
今年初加入娛樂圈的Vivian視o靚模為起點:「以o靚模呢個方式去加入娛樂圈只係一個起步點,想各方面都試吓包括唱歌、演戲同模特兒等,我想演戲,想做學生角色,好多依家好紅嘅藝人都曾經演過學生,因為上學生涯同我距離唔遠,所以特別有感覺。」
賠錢解約黐Rainbow
未與現在所屬公司簽約前,Vivian透露曾有不愉快經歷:「第一間簽嘅公司,好不幸冇耐就執咗。之後個經理人幫我搵咗間小型唱片公司,但入到去係零工作,接受唔到再拖落去,賠咗五位數解約。」五位數對一個學生來說,也是一個頗大的數目,她說:「但總好過畀佢綁住,又唔可以接其他工作。」解約後加入了Rainbow的大家庭,問到可有向師姐請教當模特兒的心得?Vivian說:「好想!之前有一齊出去做嘢,但每次做嘢都係夜場,好趕住走,都未得閒同佢傾偈,佢依家都好忙,等得閒會約佢出嚟飲嘢詳談!」
Profile
名字:趙詠瑤(Vivian)
出生:1992年1月20日
三圍:32、23、33
簡歷:本年度的新進模特兒,屬於HKmodelhouse旗下,Rainbow(胡心諾)的同門師妹。
趙詠瑤對着鏡頭大擺甫士,絕無半點生硬感覺。
年輕貌美的趙詠瑤,對演藝事業有無限的憧憬!
熱愛娛樂圈工作的趙詠瑤,接受不了簽約後零工作的生活。
Rainbow於o靚模界甚吃香,難怪趙詠瑤要向她請教!