模特兒林莉日前應時裝品牌之邀到巴黎時裝周睇騷，首次參與當地時裝周的她大感興奮，準備大量靚衫與行李，結果去到機場發現行李超重，要即時分拆給同行的同事，場面搞笑。
另外，首次在巴黎度中秋的林莉，帶備一盒月餅與同事分享，當晚她更挑選一間情調浪漫的法國餐廳，在露天位置食飯賞月。問到此行有否艷遇？她坦言有不少男士搭訕：「法國男士都好熱情主動，經常有人同我打招呼，又問我係咪模特兒。」她在當地認識一位靚仔攝影師，對方讚她靚女之餘，並希望有機會為她拍照，故交換了聯絡方法。
林莉在巴黎睇騷，順道過其法式中秋。
