樂隊RubberBand（RB）將於12月開紅館騷，前晚先在九展開騷熱身，選唱多首舊歌及英文歌，向來投入的主音6號不時唱到眼濕濕，唱到舊歌《發現號》時更一度哽咽，自嘲很眼淺！
事後6號表示當年在九展作第一次公開演出，故舊地重遊格外感觸。問到12月將首度踏足紅館開騷，屆時6號可會喊到失控？成員阿正笑言會準備一條廁紙給他。問到可會為個唱練舞？泥鯭說：「我哋跳舞都吸引唔到觀眾啦！做好音樂實際啲。」四子又表示直至開騷前都不敢放假，會專心練歌，加上還欠梁漢文一首歌，要忙於還歌債。
RB先在九展開騷，為年底的紅館騷熱身。
6號唱歌表情多多，投入過人！
