天明偷影老婆

懷孕5個月的藝人周家蔚昨日出席中秋節活動，穿上豹紋潮衣的她未覺腹大便便，沒有如一般大肚婆出現壞脾氣，她謂穿豹紋衣全因聽說看起來會較瘦。而同樣穿豹紋Tee的老公洪天明躲在一旁扮「龍友」，拿着攝影機影老婆。周家蔚說：「佢返咗香港一個星期，買咗部攝錄機畀我自拍，叫我去到邊拍到邊，但我好唔慣對住個鏡頭自言自語。」提到中秋節，兩夫婦會先與家人燒烤賞月，再與朋友遊船河享受浪漫，她說：「趁我依家活力充沛乜都可以做，怕第日生咗仔要湊仔，到時出唔出番嚟做嘢，亦要睇老公准唔准。」

大肚婆周家蔚與老公洪天明齊齊穿上豹紋潮衣。